Naga City – Timbog ang isang lalaki na kabilang sa listahan ng Drug Watch Listed Personality sa inilunsad na buy-bust operation ng Naga City PNP sa Zone 1, Barangay Triangulo, Naga City nito lamang Abril 5, 2023.
Kinilala ni Policr Major Alex Sumayao, Station Commander ng Police Station 5 ng Naga City Police Office ang naarestong suspek na si John George A. Portuguez, 24, walang trabaho at residente ng Zone 6, Opal St., Barangay Calauag, Naga City.
Ayon kay PMaj Sumayao, naaresto ang suspek bandang 1:30 ng madaling araw ng pinagsanib na mga operatiba ng Naga City Police Station 5, Naga City Mobile Force Company, Naga City Intelligence Unit at Naga City Police Drug Enforcement Unit sa pakikipag-ugnayan sa PDEA RO5.
Ang nasabing suspek ay nabilhan ng isang (1) plastic sachet ng hinihinalang shabu kapalit ng ginamit na buy-bust money na nagkakahalaga ng Php2,500.
Sa isinagawang body search ay nakuha pa sa suspek ang apat (4) na piraso ng heat-sealed transparent plastic sachet nang hinihinalang shabu na may tinatayang timbang na 1.5 na gramo at may street value na Php10,200.
Ang suspek ay mahaharap sa kasong paglabag sa RA 9165 o ang Comprehensive Dangerous Drugs Act of 2002.
Ang Naga City PNP ay hindi titigil sa pagsugpo sa ilegal na droga upang makamit ang layunin na gawing drug-free ang lungsod para sa isang maunlad, maayos at ligtas na komunidad.
Source: Naga City Police Office
