Pangasinan – Arestado ang isang Nigerian National na Top 1 City Most Wanted Person sa ikinasang Manhunt Charlie Operation ng mga operatiba ng Dagupan City Police Station nitong ika-6 ng Abril 2023.
Kinilala ni Police Colonel Jeff Fanged, Provincial Director ng Pangasinan Police Provincial Office ang suspek na si Paul Chikwado Ohiage, alyas Paul Hillary, 34, Nigerian National, kasalukuyang naninirahan sa Brgy. Lasip Grande, Dagupan City, Pangasinan.
Ayon kay PCol Fanged, naaresto ang suspek sa bisa ng Warrant of Arrest sa kasong Murder na walang inirekomendang piyansa.
Ayon pa kay PCol Fanged, naaresto ang suspek bandang 4:57 ng hapon sa kanyang tinitirhan ng mga tauhan ng Dagupan City Police Station.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Pambansang Pulisya ng Pilipinas ng kanilang mga tungkulin upang maibigay sa mamamayan ang hangaring ligtas at payapang komunidad.
Source: Dagupan City Police Station
Panulat ni PSSg Bader Ceasar Ayco
