Baguio City – Inilunsad ng Police Regional Office Cordillera ang Simultaneous Kick-off Ceremony ng Bisikleta Iglesia Patrol 2023 kaugnay ng pinaigting na seguridad ngayong Holy Week sa Baguio City nito lamang ika-6 ng Abril 2023.
Ang aktibidad ay pinangunahan ni Police Brigadier General David Peredo, Jr., Regional Director ng PROCOR.
Tinatayang 120 mula Baguio City Police Office, Benguet PNP, RMFB15, Regional Headquarters at RSUs ang nakilahok sa aktibidad.
Ang ruta ng naturang aktibidad ay nagsimula sa Melvin Jones Grandstand, Baguio City papuntang St. Joseph Parish Church sa Pacdal, St. Joseph, Twin Sisters, Baguio Cathedral Church, Lourdes Grotto at nagtapos sa Our Lady of Pillar Chapel-Casiciano Recoletos Seminary, Asin Road, Baguio City.
Ang aktibidad ay pakikiisa at suporta sa simbahan sa paggunita ng Semana Santa at magbigay seguridad at tiyakin ang kaligtasan ng mga deboto at mga turistang bibisita sa Baguio City.
