Buong pwersa ng Valley Cops sa pamumuno ni Police Brigadier General Percival Rumbaoa, Regional Director, ang nasa Hightened Alert Status bilang paghahanda sa pagdiriwang ng Semanta Santa nitong Abril 6-10, 2023.
Kaugnay dito, magpapakalat at magdedeploy ang iba’t ibang istasyon ng kapulisan sa mga pampubliko at pribadong lugar kasama na ang daungan, terminal, simbahan, resort at paliparan sa buong rehiyon upang siguruhin ang kaligtasan at seguridad ng mamamayan.
Gayundin ang mobilisasyon ng mga tauhan ng Police Regional Office 2 (PRO 2) na mas papaigtingin ang pagsubaybay sa mga insidente at mabilis na pagtugon sa iba’t ibang isyu.
Papalawigin rin ang information awareness campaign sa pamamagitan ng security measures at iba pang public advisories tulad ng paglalagay ng mga checkpoints at pagtatag ng mga Police Help Desk.
Mahigpit ding ipatutupad ng mga kapulisan ang pagbabawal sa pag-inom ng alak, pagsusugal, pagdadala ng matutulis na bagay, baril at iba pang pinagbabawal na aktibidad.
Hinihikayat din ng buong hanay ng Pambansang Pulisya ang kooperasyon mga residente, dayuhan at pilgrims upang masiguro ang kaligtasan ng bawat isa upang matiwasay na maidaos ang Semana Santa 2023.
Panulat ni Patrolwoman Juliet Dayag
