Albay – Timbog ang isang lalaki na empleyado ng Task Force Quarry sa ikinasang buy-bust operation ng Legazpi City PNP at PDEA sa Albay P-4, Palawan, Barangay 42-Rawis, Legazpi City, Albay nito lamang Abril 3, 2023.
Kinilala ni PLtCol Dennis Balla, Hepe ng Legazpi City Police Station, ang naarestong suspek na si Edrin B. Torrecampo, 43, binata, Task Force Quarry Enforcer at residente ng Purok-2, Barangay Tagas, Tabaco City, Albay.
Ayon kay PLtCol Balla, bandang 3:50 ng hapon ng isinagawa ang operasyon ng pinagsanib na mga operatiba ng Legazpi City Police Station at PDEA-Regional Special Enforcement Team (RSET); PDEA-RO5-IIS; PDEA-Albay Provincial Office.
Ang nasabing suspek ay nabilhan ng tatlong (3) piraso ng plastic sachet ng hinihinalang shabu kapalit ang ginamit na buy-bust money na nagkakahalaga ng Php30,000.
Mahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Patuloy ang ugnayan ng PRO5 at PDEA RO5 upang matigil at mahuli ang mga tulak ng ipinagbabawal na droga sa probinsya ng Albay at sa buong rehiyong Bikol.
Source: Legazpi CPS Albay PPO
