Kasabay ng pagbisita sa Cebu City Police Office (CCPO), masugid na pinangunahan ni Police Brigadier General Anthony Aberin, Regional Director ng Police Regional Office 7, ang ginanap na Send-Off Ceremony ng Security Force ng CCPO para sa Semana Santa 2023 sa Camp Sotero Cabahug Gorordo Ave., Cebu City, Martes, Abril 4, 2023.
Bilang bahagi ng aktibidad at tanda ng kanilang mainit na pagtanggap, iginawad sa panauhin ang isang foyer honor na pinangunahan ni Police Colonel Ireneo Dalogdog, City Director.
Sa mensahe na inihayag ni Police Brigadier General Aberin sa aktibidad, kanyang binigyang-diin ang kahalagahan at malaking gampanin ng mga i-dideploy na kapulisan ng lungsod gayundin sa mga bayan at probinsya ng rehiyon upang matiyak ang maayos at ligtas na pagdaraos ng Semana Santa nitong taon.
Kaugnay nito, ipinag-utos na ng direktor sa lahat ng tanggapan ng kapulisan ng Central Visayas na maging alerto at ituon ang deployment ng kanilang mga tauhan sa mga crime-prone areas upang mapigilan ang mga masasamang loob na lumabag sa batas.
