Bataan – Tuloy-tuloy na umaarangkada ang Revitalized PNP KASIMBAYANAN ng 1st Provincial Mobile Force Company ng Bataan PNP sa mga Grade 6 na istudyante ng Alikabok Elementary School, Sitio Alikabol, Brgy. Bayan, Orani, Bataan nito lamang Linggo, ika-3 ng Abril 2023.
Ang naturang aktibidad ay pinangunahan ni Police Staff Sergeant Rommel Leonsame, miyembro ng 1st PMFC, Bataan PNP kasama si Pastor Cornelio Jiongco Jr sa paghahatid ng serbisyo sa nasabing eskwelahan.
Nanguna si Pastor Jiongco sa pagbabahagi ng salita ng Panginoon at ipinagdasal ang bawat mag-aaral sa kanilang kaligtasan.
Samantala, nagbigay kaalaman din ang 1st PMFC, Bataan PNP sa mga istudyante patungkol sa Gender Awareness Development, Anti-Hazing Law at Anti-Torture Law.
Patuloy ang Bataan PNP sa pagpapatibay ng ugnayan sa mga kabataan upang ang kanilang landas ay magabayan.
Source:1st Bataan Provincial Mobile Force Company at 1st PMFC, Bataan PNP
Panulat ni Police Corporal Jeselle Rivera/RPCADU3
