Valenzuela City — Tinatayang Php120,000 halaga ng marijuana ang nasabat sa isang lalaking suspek sa isinagawang buy-bust operation ng Valenzuela City Police Station nito lamang Martes, Abril 4, 2023.
Kinilala ni PBGen Ponce Rogelio I Peñones Jr, District Director ng Northern Police District ang suspek na si alyas “Kalbo”, isang High Value Individual, 28, at kasalukuyang naninirahan sa Brgy. Gen T De Leon sa Valenzuela City.
Ayon kay PBGen Peñones Jr, naaresto ang suspek dakong 2:20 ng madaling araw sa kahabaan ng Francisco St., Fortune 1, Brgy. Gen T De Leon sa lungsod ng Valenzuela ng mga operatiba ng Station Drug Enforcement Unit ng nasabing istasyon.
Narekober mula sa suspek ang limang self-sealing transparent plastic sachet at dalawang tape sealed plastic sachet na naglalaman ng pinaghihinalaang pinatuyong dahon ng marijuana na may fruiting tops na nagkakahalaga ng Php120,000; tatlong Php500 na buy-bust money; at isang unit ng cellphone.
Mahaharap naman ang suspek sa kasong paglabag sa Section 5 at 11 sa ilalim ng Article II ng RA 9165 o mas kilala bilang Comprehensive Dangerous Drugs Act of 2002.
Patuloy ang PNP sa pagpapaigting sa kampanya kontra ilegal na droga upang manatili ang kapayapaan at kaligtasan ng mga mamamayan sa ating komunidad.
Source: NPD PIO
Panulat ni PSSg Remelin M Gargantos
