Negros Oriental – Tinanggap ng mga tauhan ng Regional Mobile Force Battalion 7 ang isang miyembro ng Communist Terrorist Group (CTG) mula sa Sitio Mamok, Brgy. Candabong, Manjuyod, Negros Oriental na kusang sumuko sa mga tauhan ng 704th Maneuver Company, RMFB7 noong Linggo, Abril 2, 2023.
Kinilala ni Police Colonel Ronan Rodriguez Claravall, Force Commander ng RMFB 7, ang sumuko na si alyas “Jericho” na aktibong miyembro ng Squad 1 Grupong Pang Organisa Central Negros 2 (CN2) sa ilalim ng Mount Cansermon Command (MCC).
Bilang pagpapakatotoo sa pagbabalik-loob nito sa gobyerno, kanyang isinuko ang isang unit ng Caliber .45 pistol, magazine na kargado ng live ammunition, at maging ng mga personal nitong gamit.
Ang muling pagsuko ng isang miyembro ng komunistang grupo ay isang malinaw na indikasyon na ang pagsisikap ng pamahalaan at ng mga ahensya nito na wakasan ang insurhensiya sa lipunan ay malapit ng mapagtagumpayan at tuluyang makakamtan.
