Rizal – Nakumpiska ang tinatayang Php4.1 milyong halaga ng shabu sa naarestong High Value Individual (HVI) sa isinagawang buy-bust operation ng San Pablo PNP nito lamang Sabado, Abril 1, 2023.
Kinilala ni Police Colonel Glenn Silvio, Acting Provincial Director, ang suspek na si alyas “Dunhill”, residente ng San Pablo City, Laguna.
Ayon kay PCol Silvio, bandang 4:03 ng hapon nang maaresto ang suspek ng mga operatiba ng San Pablo City Police Station sa may Brgy. San Jose, San Pablo City matapos magbenta ng hinihinalang shabu sa police poseur buyer kapalit ang buy-bust money.
Nakumpiska sa suspek ang apat na pirasong plastic sachet ng hinihinalang shabu na may timbang na 600 gramo na may halagang aabot sa Php4,140,000, isang unit ng Caliber. 38 at dalawang piraso na bala, sling bag na naglalaman ng Php600 at buy-bust money.
Nahaharap sa kasong paglabag sa Republic Act 9165 o “Comprehensive Dangerous Drug Act of 2002” at Republic Act 10591 “Comprehensive Firearms and Ammunition Regulation Act”.
“Ang mga impormasyong ibinibigay ng ating mamamayan ang isang malaking susi sa pagkakaaresto ng mga taong sangkot sa ilegal na droga. Ang inyong pakikipagtulungan ay tungo sa kaayusan, kapayapaan at kaunlaran ng buong lalawigan ng Laguna”, saad ni PCol Silvio.
Panulat ni Patrolman Marvin Avila/RPCADU4A
