Isabela – Aktibong nakilahok ang PRO2 sa pangunguna ni Regional Director PBGen Percival Rumbaoa sa BIDA Caravan ng DILG na ginanap sa Isabela Convention Center, Cauayan City, Isabela noong ika-1 ng Abril 2023.
Pinangunahan ang aktibidad nina DILG Secretary Atty. Benjamin Abalos Jr. at PLtGen Rhodel O Sermonia, The Deputy Chief PNP for Administration, kung saan unang isinagawa ang Fun Run sa lungsod at Zumba naman sa Isabela State University Cauayan Campus.
Ipinaliwanag ni SILG Benjamin “Benhur” C Abalos Jr ang objective ng programa sa kanyang pahayag bilang keynote speaker.
Ipinaliwanag din niya ang konsepto ng kampanya laban sa ilegal na droga sa ilalim ng PBBM administration na nagresulta sa pag-aresto sa mga matataas na personalidad at sa malalaking halaga na nakumpiskang ilegal na droga sa bansa. Pinahayag din niya ang nakaraang huli sa buy-bust operation sa Cordillera kung saan Four Billion Pesos na halaga ng ilegal na droga ang nakumpiska.
Samantala, binati din niya ng papuri ang PRO2 sa pagiging rank number 2 nationwide sa implementasyon ng Barangay Drug-Clearing Program.
Tampok din sa aktibidad ang pamamahagi ng financial assistance sa RPWUDs, kabayaran sa surrendered firearms mula sa dalawang rebeldeng nagbalik-loob sa gobyerno at awarding sa mga nagwagi sa BIDA Mural Competition. Ang naturang art competition ay nilahukan ng sampung paaralan mula sa iba’t ibang probinsya ng rehiyon dos.
Pinangunahan din ni Secretary Abalos ang press conference kung saan malayang naipahayag ang mga inquiries ng mga media practitioners ang tungkol sa suliraning ilegal na droga sa bansa at implementasyon ng BIDA Program.
Source: Isabela PPO, PIO
Panulat ni PSSg Jerlyn V Animos
