Abra – Naghandog ng livelihood assistance ang mga kababaihan ng Abra Police Provincial Office sa Camp Colonel Juan Villamor, Bangued, Abra, nito lamang ika-31 ng Marso 2023.
Pinangunahan ang aktibidad ni Police Colonel Froilan Lopez, Acting Provincial Director, Abra PPO katuwang si Police Major Daniel Pel-ey, Chief, Provincial Community Affairs and Development Unit at Hon. Liberty Ballangan La-os, Municipal Mayor, Tubo, Abra at mga Abra Juanas PNP.
Tampok sa aktibidad ang pamamahagi ng tulong pangkabuhayan sa dalawang napiling benepisyaryo na sina Ms. Julie Divina, solo parent para sa kanyang limang anak na pinagkalooban ng mga grocery items, cash assistance at isang biik.
Gayundin si Mr. Roy Turqueza, magsasaka at residente ng Sitio Pudoc, Cabuloan, Bangued, Abra na tumanggap naman ng mga grocery items at isang kambing.
Ang mga naipamahagi ay mula sa nalikom sa isinagawang Zumba for a Cause kamakailan sa pangunguna ng mga kababaihang pulis ng Abra PPO.
Ang aktibidad ay alinsunod sa pagdiriwang ng National Women’s Month at tradisyon ng Abra Juanas PNP para ipadama ang malasakit sa mas nangangailangan ng tulong sa pamamagitan ng mga outreach activity, gift-giving at livelihood assistance.
