Nueva Ecija -Tuloy-tuloy na umaarangkada ang Community Outreach Program ng Mabalacat City PNP sa Brgy. Hulo, Sto Domingo, Nueva Ecija nito lamang Biyernes, ika-31 ng Marso 2023.
Pinamunuan ito ni Police Lieutenant Colonel Abraham Abayari, Acting Chief of Police ng Mabalacat City Police Station katuwang si Pastora Tearsy Yalung sa paghahatid ng serbisyo.
Umabot sa 50 na benepisyaryo ang nabigyan ng libreng hygiene kit, mga damit, tsinelas at nagkaroon din ng libreng feeding Program para sa mga bata.
Lubos ang galak at pasasalamat ng mga residente sa ipinaabot na tulong ng pulisya.
Layunin nito ang maipaabot ang serbisyo sa lubos na nangangailangan ng tulong at mapagtibay ang ugnayan ng PNP at pamayanan.
Panulat ni Police Corporal Jeselle Rivera/RPCADU3
