Cebu – Nagsagawa ang mga tauhan ng Talisay Police Station ng Mangrove Planting Activity sa Barangay Dumlog, City of Talisay, Cebu nito lamang Marso 28, 2023.
Ang aktibidad ay pinangunahan ni Police Lieutenant Colonel Randy T Caballes, Chief of Police katuwang ang mga miyembro ng Barangay Dumlog Council na pinamumunuan ni Nelson Abellana, Dumlog Organization, VAW Officer at GAD Focal ng nasabing lugar.
Sa pagtutulungan ng mga nasabing grupo ay matagumpay na naitanim ang nasa 300 piraso ng halamang mangrove.
Layunin ng aktibidad na protektahan at pagyamanin ang likas na yamang dagat dahil ang mga bakawan ang siyang poprotekta sa mga baybayin at komunidad mula sa malakas na alon at upang mapanatili ang kaayusan, kapayapaan at kaunlaran ng ating kapaligiran.
