Benguet – Ipinagdiwang ng Police Regional Office Cordillera ang pagtatapos ng National Women’s Month sa pamamagitan ng isinagawang Culmination Program na ginanap sa Masigasig Grandstand sa Camp Major Bado Dangwa, La Trinidad, Benguet nito lamang Marso 27, 2023.
Ang programa ay pinangunahan ni Police Brigadier General David Peredo Jr., Regional Director ng PROCOR kasama si Ms. Nerissa Canguilan, Regional Director ng Civil Service Commission-Cordillera (CSC-CAR) bilang Panauhing Pandangal at Tagapagsalita.
Tampok sa aktibidad ang pagbibigay parangal sa limang babaeng police uniformed personnel at dalawang Non-Uniformed Personnel na may mga natatanging gawa at kontribusyon sa organisasyon.
Sa mensahe ni Dir. Canguilan ay kanyang binigyang-diin ang kahalagahan ng gender equality at social inclusion sa pag-aaplay ng social work bilang mga uniformed at non-uniformed personnel ng PNP.
