Nueva Ecija – Nakumpiska ang tinatayang Php380,800 halaga ng shabu sa isang 40-anyos na lalaki sa Anti-Illegal Drug Operation ng Gapan City PNP sa Barangay San Roque, Gapan City, Nueva Ecija nito lamang Sabado, ika-25 ng Marso 2023.
Kinilala ang suspek na si alyas Nonoy, 40 anyos na kasalukuyang residente ng General Tiburcio, Valenzuela City, Metro Manila.
Ayon kay Police Lieutenant Colonel Wilmar Binag, Chief of Police ng Gapan City Police Station, tinatayang 56 na gramo ng shabu na nagkakahalaga ng Php380,800 ang nakumpiska sa suspek, siyam (9) na pirasong Php1,000 na boodle money at isang piraso na Php1,000 bilang marked money.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang Nueva Ecija PNP sa pangangampanya laban sa ilegal na droga sa pamamagitan ng pakikipag-ugnayan sa mga barangay at eskwelahan upang bigyan ng kaalaman patungkol sa Anti-Illegal Drug Awareness Lecture.
Source: Nueva Ecija PPO
Panulat ni PCpl Jeselle V Rivera
