Taguig City — Arestado ang isang Chinese National matapos umanong suhulan ang mga pulis ng Taguig ng tumataginting na Php100,000 kapalit ng pagpapalaya sa kanyang kaibigan bandang 11:40 ng gabi nito lamang Linggo, Marso 26, 2023.
Kinilala ni PBGen Kirby John Kraft, District Director ng Southern Police District, ang suspek na si Bin Li, 40, lalaki, at isang sales manager.
Ayon sa ulat, nagtungo ang suspek sa Fort Bonifacio Police Substation at agad na hinanap ang kanyang kaibigan na kasalukuyang nakakulong sa nasabing istasyon, pagkatapos ay lumapit ito sa mga arresting officer at humingi ng pabor at inalok ang mga ito ng bundle na Php1,000 na nagkakahalaga ng Php100,000 bilang kapalit ng paglaya ng kanyang kaibigan na kinilalang si Deng Jiliang, 33, Chinese National, IT sa Huawei na inaresto dahil sa ilegal na droga.
Nakumpiska kay Bin Li ang Php100,000 bilang bribe money at isang Alien Employment Permit (AEP) ID.
Mahaharap naman ang suspek sa kasong paglabag sa RA 3019 o Anti-Graft and Corrupt Practices Law.
Patunay lamang ito na napakarami pa ring miyembro ng PNP ang tapat sa kanilang sinumpaang tungkulin at hindi nagpapatangay sa anumang bagay na maaaring makasama sa kanilang sarili at sa organisasyong kanilang kinabibilangan.
Source: SPD PIO
Panulat ni PSSg Remelin M Gargantos
