Batangas – Masayang nakiindak ang mga kababaihan ng Batangas Police Provincial Office sa isinagawang Zumba Activity ng ating kapulisan mula sa PNP Fitness Team na ginanap sa Batangas PPO Parade Ground, Camp General Miguel Malvar sa Batangas City nito lamang Huwebes, Marso 23, 2023.
Ang aktibidad ay kaugnay sa selebrasyon ng National Women’s Month sa ilalim ng pamumuno ni Police Colonel Pedro Solida, Provincial Director ng Batangas PPO na pinangunahan ni Police Captain Pauline Fernando, OIC, PIO.
Ito ay alinsunod sa programa ni DILG Secretary Benhur Abalos na “Buhay Ingatan, Droga’y Ayawan” sa pamamagitan ng BIDANCE.
Dumalo din sa aktibidad ang mga PCADU Ambassadress mula sa iba’t ibang munisipalidad ng naturang probinsya.
Naroon din ang Health Service na nagbigay ng libreng bloodsugar test at namahagi din ng libreng pandesal at sopas sa mga lumahok.
Labis ang pasasalamat ng mga kapulisan ng Batangas dahil naging makabuluhan at masaya ang kanilang programa.
Patunay lamang na ang Batangas PNP ay patuloy na aktibong nakikiisa sa mga programang pangkalusugan na isang paraan upang maging malakas at malusog ang kanilang mga nasasakupan.
Panulat ni PSSg Remelin M Gargantos
