Nueva Vizcaya – Nagsagawa ng Bloodletting Activity ang Nueva Vizcaya Police Provincial Office na idinaos sa Acosta Hall Camp Saturnino L Dumlao, Bayombonng, Nueva Vizcaya nito lamang ika-23 ng Marso 2023.
Ang aktibidad ay pinangunahan ng NVPPO sa pamumuno ni Police Colonel Camlon Nasdoman Provincial Director, sa pakikipag-ugnayan ng Bloodbank section ng Region 2 Trauma and Medical Center (R2TMC).
Dumaan sa iba’t ibang screening ang mga donors upang masiguro ang kanilang kaligtasan at pati na din ang mga magiging benepisyaryo ng mga malilikom na dugo.
Nakalikom ng 35 Bags na dugo mula sa 34 na kapulisan na nakilahok mula sa ng iba’t ibang Police Station at isang miyembro ng Force Multipliers mula naman sa bayan ng Villaverde.
Ang aktibidad ay alinsunod sa Quarterly Bloodletting Activity na isa sa mga Best Practices ng nasabing himpilan na may tema na “Give Blood, Save life”
Layunin ng aktibidad na tiyakin na may sapat na supply ng dugo para sa mamamayan at ayusin ang paghahatid ng serbisyo ng dugo sa lokalidad. para makalikom, makatulong at makapagpamahagi ng libreng dugo sa mga pasyenteng may malalang karamdaman at nangangailangan ng dugo upang madugtungan ang kanilang buhay.
Source: Nueva Vizcaya Police Provincial Office.
Panulat ni PCpl Harry B Padua
