Manila City — Arestado ang isang babae na Top 4 Station Most Wanted Person (MWP) sa bisa ng Warrant of Arrest sa kasong Qualified Theft ng La Loma Police Station nito lamang Miyerkules, Marso 22, 2023.
Kinilala ni Police Lieutenant Colonel Romil Avenido, Station Commander, ang akusado sa pangalang Mia, 22 at residente ng Brgy. 93, Tondo, Maynila.
Ayon kay PLtCol Avenido, nakorner ang akusado alas-3:00 ng hapon sa loob ng Isetann Recto sa kahabaan ng C.M Recto, Sta. Cruz, Maynila ng mga tauhan ng nasabing istasyon.
Ang akusado ay may nakabinbing Warrant of Arrest para sa 17 bilang ng Qualified Theft.
“Ito ay isang patunay na ang mga sumasalungat sa batas ay walang takas, kahit saan man sila magpunta, sila ay pananagutin,” pahayag ni QCPD Director, PBGen Nicolas D Torre III.
Source: PIO QCPD
Panulat ni PSSg Remelin M Gargantos
