Sorsogon – Arestado ang Top 1 Municipal Most Wanted Person ng bayan ng Juban, Sorsogon na may kasong dalawang bilang ng kasong Rape sa isinagawang operasyon ng operatiba ng Juban PNP sa Barangay Biriran, Juban, Sorsogon nito lamang Marso 21, 2023.
Kinilala ni Police Captain Jonathan Hapa, Hepe ng Juban Municipal Police Station, ang naarestong suspek na si alyas Lito, 47, may asawa, laborer at residente ng nasabing lugar.
Ayon kay PCpt Hapa, ginahasa ng akusado ang kanya mismong 14 anyos na anak noong 2016 at nasundan pa noong 2021. Ang kahalayang ito ng kanyang ama ay nagbunga ang kahalayan nito at napagpasyahan niya na maglakas ng loob na magsumbong dahil iniisip ng biktima na maaaring hindi sa kanya magtapos ang kahalayan ng ama sapagkat mayroon pa itong mga nakababatang kapatid na babae.
Sa tulong ng MSWD, Barangay at WCPD ng Juban PNP, agad na naisampa ang kasong Violation of 266-A of the Revised Penal Code as amended by RA 8353 Rape by Carnal Knowledge na walang inirekomendang piyansa.
Ang Bicol PNP ay patuloy sa pagiging masigasig sa pag-aresto sa mga taong may pananagutan sa batas upang mabigyan ng karampatang hustisya ang mga taong nabiktima nito.
Pinapaalalahanan din ang publiko na magsilbi itong paalala sa ating mga kababayan lalo na sa mga kababaihan na maaaring biktima ng mga pang-aabuso na tumindig, lumaban at huwag matakot magsumbong at dumulog sa otoridad upang makamit ang hustisya at maparusahan ang mga mapang-abusong indibidwal.
Source: Juban MPS Sorsogon PPO
