Cebu City – Matagumpay na nagsipagtapos ang 55 na PNP personnel mula sa iba’t ibang logistics offices ng Police Regional Office 7 sa isinagawang Closing Ceremony ng Basic Logistics Course na ginanap sa Camp Sergio Osmeña Sr., Cebu City noong Marso 21, 2023.
Ang aktibidad ay pinasinayaan ni PMGen Ronaldo Olay, Director ng Directorate for Logistics, na siyang naging panauhing pandangal at tagapagsalita ng naturang aktibidad kasama ang Command Group ng PRO 7.
Tampok sa naturang programa ang pinning ng PNP Logistics Badge, pagbibigay ng parangal at certificates sa Top 3 students na sina PSSg April Gelig mula sa Regional Headquarters (Rank Nr. 1), PCMS Gay Lord Moraga mula sa Cebu City Police Office, (Rank Nr. 2), at PCpl Reyjohn Luna mula sa Cebu City Police Office (Rank Nr. 3).
Sa loob ng 26 na araw ng Basic Logistics Course, ang mga kalahok ay nabigyan ng kinakailangang kaalaman upang matiyak na ang lahat ng logistical programs ay nakahanay tungo sa misyon, vision, at tungkulin ng Pambansang Pulisya nang epektibo at mahusay.
Sa mensahe ni PMGen Olay, sinabi nito na ang Logistics ay isa sa mga haligi ng mahusay at epektibong pagpapatupad ng kanilang tungkulin para sa mas maayos at mabilis na paghahatid ng serbisyo at pangangailangang pangseguridad ng ating mga kababayan.
“Logistics is one of the pillars of efficient policing, playing a critical role in the effective functioning of any law enforcement agency, and provides comprehensive guidelines for the effective implementation of various programs as anchored with the PNP Capability Enhancement Program”, ani ni PMGen Olay.
