Northern Samar – Nagsagawa ang Northern Samar PNP ng Livelihood Training Program para sa mga kababaihan na ginanap sa Brgy. Magsaysay KALAHI Building, Bobon, Northern Samar nitong Marso 22, 2023.
Ang aktibidad ay pinangunahan ng mga tauhan ng 1st Northern Samar Provincial Mobile Force Company sa pamumuno ni Police Major Norman Kiat-Ong Jr, Officer-In-Charge kasama ang iba’t ibang stakeholders ng Northern Samar.
Naging benepisyaryo nito ang mga piling kababaihan ng 1st District ng lalawigan, kaugnay din ito sa pagdiriwang ng 2023 Women’s Month Celebration na may temang, “Gender Equality, Inclusive Society”.
Katuwang sa nasabing aktibidad sina Engineer Josephine A. Magdarao ng Balicuatro College of Arts and Technology, Technical Education and Skill Development Authority (TESDA), AVON Cosmetics na pinamumunuan ni Ms. Karina Araos, Branch Manager, G. Roy C Sabayo, Master Hair Dresser ng Wicked Nails Lounge Salon at People’s Outreach Program (POP) na nagbahagi ng kani-kanilang kaalaman na maaaring gamitin at karagdagang pangkabuhayan ng mga kababaihang nakilahok.
Nagbahagi naman ang mga kababaihan ng 1st NSPMFC ng Nail Polishing Kits at Hair Cut Sets bilang isang livelihood grant.
Mensahe ni PMaj Kiat-ong, “Ang 1st NSPMFC ay lubos na kumikilala sa mga karapatan at pribilehiyo ng mga kababaihan sa ating lipunan. Ito ay naglalayong makatulong sa pagbibigay ng kabuhayan sa ating mga kababaihang Nortehanon at magkaroon ng kita para sa pang-araw-araw na gastusin ng kani-kanilang pamilya.”
