Cagayan de Oro City – Tinatayang nasa Php136,000 halaga ng hinihinalang shabu ang nasabat ng mga tauhan ng Drug Enforcement Team ng Cagayan de Oro City Police Station 8 sa ikinasang buy-bust operation sa Zone 1, Brgy. Lumbia, Cagayan de Oro City nito lamang Martes, Marso 21, 2023.
Kinilala ni Police Major Dennis Rowell Flores, Station Commander ng Cagayan de Oro City Police Station, ang suspek na si alyas “Armando”, 36 at residente ng Brgy. Camaman-an, Cagayan de Oro City.
Nasabat sa operasyon ang 20 gramo ng hinihinalang shabu na nagkakahalaga ng Php136,000, isang black Samsung keypad cellphone, isang pirasong Php500 bill na ginamit bilang buy-bust money.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang Cagayan de Oro City PNP sa operasyon kontra ilegal na droga at iba pang kriminalidad upang mapanatili ang kaayusan at kapayapaan sa Cagayan de Oro City.
Panulat ni Patrolman Edwin Baris/RPCADU11
