Tacloban City – Arestado ang pitong drug personality sa isinagawang buy-bust operation ng PNP-PDEA 8 sa isang drug den sa Brgy. 59-A, Sampaguita, Tacloban City nito lamang Marso 20, 2023.
Kinilala ni Police Colonel Michael Palermo, City Director ng Tacloban City Police Office, ang mga naaresto na sina alyas “Encio”, 52, drug den maintainer; alyas “Eque”, 54, co-maintainer; alyas “Ely”, 34; alias “Toper”, 37; alias “Enn-enn”, 36; alyas “Elago”, 21; at alyas “Obet”, 57.
Naaresto ang mga suspek bandang 2:55 ng hapon matapos ang ilang buwan na masususing pagbabantay ng mga operatiba ng Philippine Drug Enforcement Agency – Regional Office 8 at TCPO – City Drug Enforcement Unit sa pangunguna ni Police Captain Anthony-re B Amora, Chief, CDEU.
Nakumpiska sa operasyon ang walong sachet ng hinihinalang shabu na may tinatayang timbang na humigit kumulang 15 gramo na may street value na Php102,000, assorted drug paraphernalia, buy-bust money, at cash na nagkakahalaga ng Php4,830.
Ang mga suspek ay mahaharap sa kasong paglabag sa Section 5, 6, 7, 11, 12, at 15 ng Art. II, Republic Act 9165 o Comprehensive Dangerous Drugs Act of 2002.
Tinitiyak naman ng PNP-PDEA 8 sa publiko na patuloy ang kanilang Anti-Illegal Drugs Operation sa pagsugpo sa aktibidad ng ilegal na droga sa kanilang nasasakupan tungo sa mas ligtas at maayos na pamayanan.
