Albay – Nagsagawa ng Coastal Clean-up Drive ang mga tauhan ng Malinao Municipal Police Station sa Barangay Bariw, Malinao, Albay nito lamang ika-19 ng Marso 2023.
Ang naturang aktibidad ay pinangunahan ni Police Major Christian Brual, Hepe ng Malinao MPS, sa ilalim ng pangangasiwa ni Police Colonel Fernando Cunanan Jr, Provincial Director ng Albay Police Provincial Office.
Katuwang rin sa pagsasakatuparan ng aktibidad ang mga kababaihan at miyembro ng KALIPI Barangay Bariw Chapter bilang pakikiisa sa 2023 National Women’s Month Celebration na may temang: “WE for Gender Equality and Inclusive Society.”
Ang naturang aktibidad ay naglalayong maipaabot sa publiko ang kahalagahan ng pagpapanatili ng kalinisan at kagandahan ng ating kapaligiran alinsunod na rin sa PNP Core Value na Makakalikasan.
Hinihikayat ng PNP ang komunidad na patuloy na makiisa at suportahan ang mga programang nagsusulong na pangalagaan ang ating kalikasan para sa maayos at malinis na pamayanan.
Source: Malinao Mps
