Isabela – Patuloy ang pamamayagpag ng PROJECT I.L.A.W. (Inihahandog namin ang Liwanag sa inyong tahanan na magbibigay pag-Asa sa pamilyang higit na nangangailangan galing sa CMFC- Santiago City) na programa ng Santiago City Police Office sa ilalim ng pamumuno ni Police Colonel Tirso Manoli, na isinagawa sa Purok 6, Barangay Sinsayon, Santiago City, Isabela noong ika-19 ng Marso 2023.
Pinangunahan ni Police Captain Naris Cuaresma ang pamamahagi ng mga solar lamp para sa mga kapus palad na residente sa lungsod.
Isa sa mga benepisyaryo si Ginang Perlita Paraun, 53 taong gulang, may asawa at tatlong anak at residente ng naturang barangay.
Layunin ng programa na mabigyan ng sapat na proteksyon at seguridad ang mga benepisyaryong pamilya lalo na sa gabi.
Gayundin upang maiparanas sa mga kababayang mahihirap ang mabigyan ng liwanag ang kanilang tahanan at malaking tulong ito sa mga batang nag-aaral at gumagawa ng takdang aralin sa gabi.
Nais rin ng Santiago PNP na maiparamdam sa mga kapus palad na kababayan na nakatira sa mga liblib na lugar sa lungsod ang saya at pagpapahalaga sa pamamagitan ng liwanag na handog ng kapulisan.
Source: CMFC, Santiago City
Panulat ni PSSg Jerlyn V Animos
