Negros Oriental – Nagsagawa ang mga tauhan ng Siaton Police Station ng Community Outreach Program na idinaos sa Sto. Nasipit, Brgy. Cabangahan, Siaton, Negros Oriental nito lamang Marso 19, 2023.
Ang aktibidad ay pinangasiwaan ni Police Major Ricky Dacotdacot, Hepe ng Siaton Police Station at sa pakikipagtulungan ni Pastor Leve Hermosa at Pastor Ruel Badiable, RECON SARGE7, Adventist Community Service, Seventh Day Adventist Youth at Jarry Babiera-SK Chairman.
Nakapaghatid ng serbisyong libreng gupit, pamamahagi ng food packs, tsinelas, laruan at feeding activity sa lahat ng dumalo sa nasabing aktibidad.
Kasabay ng aktibidad ay nagbigay kaalaman rin ang mga ito hinggil sa RA 8353 (Anti-Rape Law), RA 11313 (Anti-Bastos law or the Safe Spaces Act), RA 7877 (Anti-Sexual Harassment Law) at RA 7610 (Child Abuse Law).
Ito ay kaugnay sa programa sa peace and security framework ni CPNP na M+K+K=K (Malasakit, Kaayusan, Kapayapaan, tungo sa Kaunlaran) at sa paglulunsad ng Revitalized PNP KASIMBAYANAN Program na naglalayong matulungan ang ating mga kababayan na lubos na nangangailangan.
