Davao City – Arestado ang isang indibidwal sa isinagawang buy-bust operation ng Bajada PNP sa Purok 7A, Magallanes Riverside, Brgy. 1-A, Davao City nito lamang Marso 19, 2023.
Kinilala ni Police Major Antonio Luy, Acting Station Commander ng Bajada Police Station, ang suspek na si alyas “Yan-Yan”, 35, residente ng Catalunan Grande, Davao City na kabilang sa mga street level drug personality sa lugar.
Naaresto ang suspek matapos mahuli sa akto ng pagbebenta ng hinihinalang ilegal na droga sa nagpanggap na poseur buyer na tauhan ng Bajada PNP.
Nakuha mula sa suspek ang ilang pakete ng hinihinalang shabu na may bigat na humigit kumulang na 0.19 gramo na may street market value na Php3,000 at marked money.
Ang suspek ay mahaharap sa kasong paglabag sa Sec. 11 at Sec. 5 ng Republic Act 9165 o Comprehensive Dangerous Drugs Act of 2002.
Ang Police Regional Office 11 ay patuloy sa pagsasagawa ng mga operasyon kontral ilegal na droga sa lungsod upang maging drug free ang rehiyon onse.
Panulat ni Patrolman Alfred Vergara/RPCADU11
