Sultan Kudarat – Arestado ang isang babae na miyembro ng Communist Terrorist Group (CTG) sa kasong Attempted Murder sa isinagawang joint operation ng Sultan Kudarat PNP at Philippine Army nito lamang ika-17 ng Marso 2023.
Kinilala ni Police Brigadier General Jimili Macaraeg, Regional Director ng Police Regional Office 12, ang naarestong suspek na si alyas “Bee”, 40, babae, may asawa at residente ng Brgy. Sangay, Kalamansig, Sultan Kudarat.
Napag-alaman na si alias “Bee” ay tinaguriang miyembro ng South Regional Command (SRC) DAGUMA, PSR listed at nakalista bilang Top 77 Municipal Most Wanted Person.
Ayon kay PBGen Macaraeg, naaresto ang suspek bandang 10:30 ng umaga sa Purok Dalungan, Brgy. Napnapon, Palimbang, Sultan Kudarat sa pinagsanib pwersa ng Kalamansig Municipal Police Station, 2nd Sultan Kudarat Provincial Mobile Force Company, Tracker Team Delta, Palimbang Municipal Police Station at 37th Infantry Battalion, Philippine Army.
Naaresto ang suspek sa bisa ng Warrant of Arrest sa kasong Attempted Murder na may rekomendadong piyansa na Php120,000.
Ang pagkakadakip sa suspek ay resulta ng patuloy na pagsisikap ng Police Regional Office 12 katuwang ang iba’t ibang ahensya ng gobyerno upang hulihin ang mga wanted person kabilang na ang mga taong taga-suporta at miyembro ng mga komunistang grupo.
Source: Kalamansig Municipal Police Station – PRO12
Panulat ni Patrolman Khnerwin Jay Medelin/RPCADU12
