Zamboanga City – Nasabat ang tinatayang Php2,520,000 halaga ng assorted smuggled cigarettes ng Zamboanga City PNP nito lamang Marso 16, 2023.
Ayon kay Police Colonel Alexander Lorenzo, City Director ng Zamboanga City Police Office, bandang 11:50 ng umaga nang madaanan ang mga manggagawa na naghahakot ng iba’t ibang boxes ng mga sigarilyo at nang hinanapan ng kaukulang dokumento ay bigla na lamang nagsipag-takbuhan sa iba’t-ibang direksyon.
Narekober sa loob ng black Suzuki Multicab na may Plate No. KAH-1233 ang 10 cases ng red bravo, 14 cases ng astro red, 17 cases ng ford white, 11 cases ng new orleans, siyam na cases ng white bravo, walong cases ng cannon na tinatayang nagkakahalaga ng Php2,520,000.
Samantala, patuloy ang Zamboanga City PNP sa pag-iimbestiga upang managot ang mga sala sa batas at malagay sa likod ng rehas.
Panulat ni Patrolman John Ronald Tumonong/RPCADU 9
