Pangasinan – Timbog ng mga tauhan ng Police Regional Office 1 ang Top 1 Municipal Most Wanted Person ng Pozorrubio, Pangasinan sa kasong Syndicated Estafa nito lamang Huwebes, ika-16 ng Marso 2023.
Kinilala ni Police Major Zynon Paiking, Hepe ng Pozorrubio PNP, ang suspek na si Mario Casupang y Corpuz, 51, residente ng Brgy. Bobonan, Pozorrubio, Pangasinan.
Dagdag pa ni Police Major Paiking, naaresto ang suspek bandang 8:19 ng umaga sa Brgy. Bobonan, Pozorrubio, Pangasinan sa pinagsamang pwersa ng Pozorrubio PNP bilang lead unit, 2nd PMFC Pangasinan PPO, PIU Pangasinan PPO, at RID PRO1.
Nahaharap ang suspek sa kasong Syndicated Estafa na walang rekomendadong piyansa.
Ang operasyon ng PRO 1 ay naging matagumpay dahil sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Source: Pozorrubio Municipal Police Station
Panulat ni Patrolman Viljon Anthony A. Comilang
