Pinangunahan ng Nueva Vizcaya Women in the Police Service Organization (NVWPSO) ang isinagawang Outreach Program na idinaos sa SPED Center ng Paaralang Elementarya ng Bayombong, Nueva Vizcaya nitong ika-15 ng Marso 2023.
Naidaos ang aktibidad sa pangunguna ni Police Captain Vanessa Marie Mendoza, NVWPSO President at sa pangangasiwa ni Police Colonel Camlon P Nasdoman, katuwang ang Nueva Vizcaya Provincial Medical and Dental Team (NVPMDT) sa pamumuno ni Police Lieutenant Syvil Faye Tono at Officer Ladies Club sa katauhan ni Ginang Sharon Nalliw.
Masayang nilahukan ng 36 na mag-aaral mula sa Special Education (SPED) Program kasama ang mga guro ng Bayombong Central School ang nabanggit na aktibidad.
Kasabay ng aktibidad ay tinalakay din ang importansya ng pagsisipilyo at pangangalaga sa kalinisan ng katawan, gayundin ang pagpapaintindi sa tinatawag na Good and Bad touch sa mga kalahok.
Kalaunan ay nakapagpamahagi din ang Grupo ng isang EPSON Printer na magagamit para sa kanilang edukasyon, mga kagamitan sa pagluluto, Hygiene kits para sa pansariling kalinisan ng katawan at pamamahagi ng libreng food packs.
Ang aktibidad ay alinsunod sa pagdiriwang ng National Women’s Month Celebration na may tema na “WE for gender equality an inclusive society.”
Source: Nueva Vizcaya Police Provincial Office
