Bataan – Tuloy-tuloy ang pag-arangkada ng Clean-up Drive at Tree Planting Activity ng 1st Provincial Mobile Force Company, Bataan PNP sa Brgy. Maligaya, Dinalupihan, Bataan nito lamang Huwebes, ika-16 ng Marso 2023.
Ang mga naturang aktibidad ay pinamunuan ni Police Lieutenant Colonel Brownson Ollaging, Force Commander ng First Provincial Mobile Force Company ng Bataan Police Provincial Office kasama ang Barangay Peacekeeping Action Teams (BPATs) at Kaligkasan Volunteers.
Bilang pagpapanatili ng kalinisan, nilinis ng mga awtoridad ang mga nakakalat na basura, at nagtanim ng mga puno sa nasabing lugar.
Kaugnay din ito sa PNP Core Values na “Makakalikasan” na naglalayong makiisa ang pulisya sa pagpapanatili ng kalinisan at kagandahan ng ating kalikasan.
Source: 1st PMFC, Bataan PPO
Panulat ni Police Corporal Jeselle Rivera/RPCADU3
