Capiz – Arestado ang Top 1 Most Wanted Person ng Santa Barbara PNP sa isinagawang Manhunt Charlie Operation sa Sitio Cabangaan, Barangay Gibato, Dumarao, Capiz nito lamang ika-15 ng Marso 2023.
Kinilala ni Police Major Jose Rey Pabalan, Hepe ng Santa Barbara PNP, ang akusadong si Gerald Ganancial Biaca alias “Jeboy”, 26 at residente ng Barangay Lupa, Santa Barbara, Iloilo, naitala bilang Top 1 Most Wanted Person sa bayan ng Santa Barabara (Municipal Level) at tinuturing naman na Top 4 MWP sa buong probinsya ng Iloilo.
Ayon kay PMaj Pabalan, matagal na nagtago ang suspect na umabot ng ilang taon sa probinsya ng Capiz hanggang sa matunton ito at mahuli ng tracker team ng naturang istasyon kasama ng ibang Operating Unit.
Ang akusado ay naaresto sa bisa ng Warrant of Arrest sa kasong Murder na walang inirekomendang piyansa.
Samantala, hinihikayat naman ni Police Major Pabalan ang komunidad sa kanilang nasasakupan na makipagtulungan o ipagbigay alam sa kanilang himpilan ang anumang ilegal na aktibidad o mga kahina-hinalang mga tao sa lugar upang ito’y maaksyunan agad.
Ang matagumpay na pagkakahuli sa naturang wanted person ay isang babala sa mga taong may pananagutan sa batas at hindi titigil ang PNP sa pagkamit ng hustisya para sa mga biktima ng kriminalidad upang mapanatili ang kaayusan at kapayapaan.
