Eastern Samar – Boluntaryong sumuko ang isang miyembro ng Communist Terrorist Group (CTG) sa mga tauhan ng 2nd Eastern Samar Provincial Mobile Force Company sa Brgy. Buenavista, Quinapondan, Eastern Samar nitong Miyerkules, Marso 15, 2023.
Kinilala ni Police Lieutenant Colonel Rolando Dellezo, Acting Force Commander ng 2nd ESPMFC, ang sumuko na si alyas “Nick”, 24, Graduate ng BSHM at residente ng Gen MacArthur, Eastern Samar.
Ang pagsuko ni “Nick” ay resulta ng pursigidong panawagan at pagsisikap ng Intelligence personnel ng 2nd Eastern Samar PMFC kasama ang 805th Maneuver Company, RMFB8 sa pangunguna ni Police Captain Gennie Ann Tualla, OIC, sa ilalim ng pangangasiwa ng Police Lieutenant Colonel Eugene Fc Rebadomia, RMFB8 at sa suporta ng KASIMBAYANAN at Advocacy Groups sa pamamagitan ng Intelligence and Information Operation (Counter Propaganda).
Kasabay ng kanyang pagbabalik-loob ay ang pagturn-over ng kalibre 45 pistol na may serial number na 196157, isang magazine assembly, at limang .45 na live ammunition.
Patuloy naman ang panawagan ng PNP sa iba pang miyembro ng CTGs na magbalik-loob na sa gobyerno, umuwi at bigyang pagkakataong makapiling ang kanilang mga mahal sa buhay.
