Navotas City — Tinatayang nasa Php238,000 halaga ng shabu ang nasamsam sa isang lalaking suspek kung saan nakumpiska sa kanya ang isang baril na may kasamang bala sa isinagawang buy-bust operation ng mga tauhan ng Navotas City Police Station nito lamang Miyerkules, Marso 15, 2023.
Kinilala ni PBGen Ponce Rogelio Peñones Jr, District Director ng Northern Police District, ang suspek na si alyas “Jay-ar Toyo”, 36, residente ng 21 Quintos St., Brgy. San Jose, Navotas City.
Ayon kay PBGen Peñones Jr, bandang 10:16 ng gabi nang maaresto ang suspek sa kahabaan ng Quintos St., Brgy. San Jose, Navotas City ng mga operatiba ng Station Drug Enforcement Unit SDEU-NCPS sa ilalim ng pangangasiwa ni PCol Allan B Umipig, OIC ng Navotas CPS.
Nakumpiska sa suspek ang 13 na heat-sealed transparent plastic sachet na naglalaman ng pinaghihinalaang shabu, isang revolver na may markang JV2 na may apat na bala at isang tactical black sling bag, at isang Php500 na ginamit bilang buy-bust money.
Mahaharap ang suspek sa kasong paglabag sa R.A 9165 o Comprehensive Dangerous Drugs Act of 2002.
Ang buong hanay ng Northern Police District ay lalo pang paiigtingin ang kampanya kontra ilegal na droga para makamit ang kaayusan at kapayapaan ng mamamayan sa ating komunidad.
Source: NPD PIO
Panulat ni PSSg Remelin M Gargantos
