Agusan del Sur – Boluntaryong sumuko ang isang Squad Leader ng Communist Terrorist Group (CTG) at isinuko ang siyam na AK-47 na baril sa Agusan del Sur Mayor’s Conference Room, Bayugan City Hall, Brgy. Poblacion, Bayugan City nito lamang Lunes, Marso 13, 2023.
Kinilala ni Police Brigadier General Pablo Labra II, Regional Director ng Police Regional Office 13, ang boluntaryong sumuko na si alyas “Tuloy”, residente ng Bayugan City at tinaguriang Squad Leader ng Sandatahang Yunit Pampropaganda (SYP)-Interyor/Grupong Staff (SYP-I/GS), Headquarters Force, Sub-Regional Committee Southland, Northeastern Mindanao Regional Committee (NEMRC).
Ang pagsuko ni “Tuloy” ay resulta ng pursigidong panawagan at pagsisikap ng 3rd Special Force Battalion ng Philippine Army katuwang ang Bayugan City Police Station, Intelligence Service Armed Forces of the Philippines (ISAFP), Agusan del Sur Provincial Mobile Force Company at Agusan del Sur Provincial Intelligence Unit.
Kasabay ng pagbabalik-loob ni “Tuloy” ay ang pagturn-over sa siyam na mataas na uri ng baril na AK-47 kasama ang pitong magazine.
Samantala, inihahanda na ang mga kaukulang papel para sa debriefing upang maipasok sa Enhanced Comprehensive Local Integration Program (E-CLIP) ng ating pamahalaan.
Panulat ni Patrolman Jhunel Cadapan/RPCADU 13
