Navotas City — Tiklo ang tatlong lalaking naaktuhan na nagsusugal ng “cara y cruz” ng mga tauhan ng Navotas City Police Station nito lamang Martes, Marso 14, 2023.
Kinilala ni Police Colonel Allan Umipig, Chief of Police ng Navotas CPS, ang mga suspek sa pangalang Mark Anthony, Raniel, at Razel.
Ayon kay PCol Umipig, bandang alas-dos ng madaling araw nang maaresto ang mga suspek sa kahabaan ng Brgy. NBBS, Navotas City ng mga tauhan ng Intelligence Unit ng nasabing istasyon sa pangunguna ni Police Captain Luis C Rufo, Chief, Intel.
Nakumpiska sa kanilang posesyon ang isang improvised na baril na may dalawang bala.
Nahaharap ang mga suspek sa kasong paglabag sa PD 1602 o Prescribing Stiffer Penalties on Illegal Gambling at RA 10591 o Comprehensive Firearms and Ammunition Regulations Act.
Patuloy naman ang Navotas PNP sa pagpapatrolya 24 oras sa mga lansangan na kanilang nasasakupan para masigurong wala ng makapagsusugal sa mga kalye.
Source: Navotas City Police Station
Panulat ni PSSg Remelin M Gargantos
