Mandaluyong City — Nabigyan na ng hustisya ang pagkamatay ng isang lalaking engineer na natagpuang patay sa isang condominium matapos ang isang linggong paghahanap sa mga suspek sa tulong ng Mandaluyong City Police Station nito lamang Linggo, Marso 12, 2023.
Kinilala ni Police Colonel Gauvin Mel Unos, Chief of Police ng Mandaluyong CPS, ang mga suspek sa pangalang Kervin Kier, 22 taong gulang, at Arnel, 48 anyos.
Ayon kay PCol Unos, na-trace ang mga suspek gamit ang cellphone ng biktima para magbook ng angkas at food panda kaya natukoy agad ang kanilang kinaroroonan.
Agad namang naaresto ang mga suspek sa kahabaan ng Col. Guido St. Barangay San Roque, Angono, Rizal bandang 7:40 ng gabi sa follow-up operation ng mga operatiba mula sa nasabing istasyon.
Samantala, narekober din sa possession ng mga suspek ang isang pekeng kalibre ng .45 na baril, iba’t ibang ATM card, driver’s license, brown na bag, pitaka at limang yunit ng cellphone.
Tumanggi namang magbigay ng pahayag ang mga nahuling suspek at mahaharap sila sa kasong Murder at Robbery.
Nagpapasalamat din ang mga magulang ng biktima sa kapulisan dahil mabibigyan na ng hustisya ang pagkamatay ng kanilang anak.
Source: Mandaluyong Cps
Panulat ni PSSg Remelin M Gargantos
