Albay – Nakiisa ang mga tauhan ng Regional Police Community Affairs and Development Unit 5 sa isinagawang Zumba Activity sa SM City Legazpi, Legazpi City, Albay, nito lamang ika-12 ng Marso, 2023.
Pinangunahan ng SM City Legazpi ang aktibidad kasama ang mga tauhan ng RPCADU 5 sa pamumuno ni Police Lieutenant Colonel Brenda Garcia, Officer-In-Charge.
Kabilang din sa aktibong nakilahok ang mga tauhan ng Regional Mobile Force Battalion 5, Legazpi City Police Station, Philippine Army, Philippine Air Force, Philippine Navy, Bureau of Fire Protection at mga Zumba enthusiasts.
Ang naturang aktibidad ay kaugnay sa paglunsad ng SM Foundation’s Kabalikat sa Kabuhayan Sunday Market na naglalayong pagyamanin ang sektor ng agrikultura at mabilis na maihatid ang mga produkto sa mga mamimili mula sa mga lokal na magsasaka.
Patunay lamang na ang PNP Bicol ay patuloy na nakikiisa sa mga programang pangkalusugan na naglalayong makatulong sa mga mamamayan gayundin sa mga programang nagbibigay halaga sa pagpapayaman ng ating sektor ng agrikultura sa bansa.
