Basilan – Nagsagawa ng Community Outreach Program ang mga tauhan ng 53rd Special Action Company ng PNP-SAF sa mga residente ng Brgy. Lower Bato-Bato, Akbar, Basilan nito lamang ika-13 ng Marso 2023.
Katuwang sa naturang aktibidad ang 3rd Regional Mobile Force Company-RMFB BASULTA, 54th Special Action Company, 14th Special Forces Company-PA, 18th IB-PA, Basilan General Hospital, 1st FAB-PA, Lamitan City Health Office, Student Action Force Lamitan Chapter, Akbar MPS at Local Government Unit ng Munisipalidad ng Akbar.
Nasa 200 ang naging benepisyaryo ng naturang aktibidad at kabilang sa mga inihatid na serbisyo ang dental service, circumcision, haircut, feeding at medical consultation.
Ang tagumpay na ito ay nagpapatunay lamang sa hindi matatawarang pagseserbisyo at malasakit ng Pambansang Pulisya sa ating komunidad, at ito din ay naglalayong mas paigtingin pa ang relasyon ng PNP at ng iba pang ahensya ng pamahalaan tungo sa mas maunlad at maayos na pamayanan.
Panulat ni Patrolman Charlie Nasroden Corpuz
