Pangasinan – Arestado ang Top 2 Municipal Most Wanted Person sa ikinasang Manhunt Charlie Operation ng mga operatiba ng Bani Municipal Police Station sa kasong paglabag sa RA 9262 nitong ika-11 ng Marso 2023.
Kinilala ni Police Major Dennis Cabigat, Hepe ng Bani Municipal Police Station, ang suspek na si alyas Raffy, 42 at residente ng Brgy. San Simon Bani, Pangasinan.
Ayon kay PMaj Cabigat, naaresto ang suspek sa bisa ng Warrant of Arrest sa kasong paglabag ng RA 9262 o Anti-Violence Against Women and their Children Act of 2004 na may inirekomendang piyansa na Php120,000.
Ayon pa kay PMaj Cabigat, naaresto ang suspek bandang 11:00 ng umaga sa Brgy. Poblacion Bani, Pangasinan ng mga tauhan ng Bani Municipal Police Station.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Pambansang Pulisya ng Pilipinas ng kanilang mga tungkulin upang maibigay sa mga mamamayan ang hangaring ligtas at payapang komunidad.
Source: Bani Municipal Police Station
Panulat ni PSSg Bader Ceasar Ayco
