Bukidnon – Arestado ang 27-anyos na lalaki ng mga tauhan ng Don Carlos Municipal Police Station matapos patayin ang kanyang ka live-in partner sa Purok 9, Poblacion Sur, Don Carlos, Bukidnon nito lamang hapon ng Sabado, Marso 11, 2023.
Ayon kay Police Major Patrick Castro, Officer-In-Charge ng Don Carlos MPS, bandang 3:10 na hapon nang mangyare ang krimen nang magkaroon ng mainit na pagtatalo ang maglive-in partner na nagresulta sa pananaksak ng suspek gamit ang basag na baso sa iba’t ibang parte ng katawan ng biktima na dahilan ng kanyang agarang pagkamatay.
Kinilala ang biktima na si alyas “Kim”, 22 at 3rd year college student habang ang suspek ay kinilala na si alyas “Elson”, 27, walang trabaho at residente ng nabanggit na lugar na agad tumakas matapos ang krimen.
Ang agarang pagkakahuli ng suspek ay bunga ng mabilis na aksyon ng Don Carlos PNP at magandang ugnayan sa komunidad upang mapanagot ang suspek sa kanyang krimen na ginawa.
Panulat ni Patrolman Edwin Baris/RPCADU10
