Aurora – Tuloy-tuloy ang pag-arangkada ng Revitalized PNP KASIMBAYANAN ng 2nd Provincial Mobile Force Company ng Aurora PNP sa Brgy. Calabgan, Casiguran, Aurora nito lamang Biyernes, ika-10 ng Marso 2023.
Pinamunuan ito ni Police Lieutenant Colonel Cielo Caligtan, Force Commander ng 2nd PMFC, Aurora Police Provincial Office katuwang si Pastor Ernesto Baraquia.
Nanguna si Pastor Baraquia sa pagbabahagi ng salita ng Panginoon at ipinagdasal ang bawat dumalo sa naturang aktibidad.
Samantala, ang Aurora PNP naman ay nagbigay kaalaman patungkol sa Anti-Illegal Drugs Campaign at Anti-Violence Against Women and Children.
Layunin nito ang magkaisa ang Kapulisan, Simbahan, Pamayanan para sa magandang ugnayan ng bawat isa tungo sa Kaunlaran.
Source: 2nd PMFC Aurora PPO
Panulat ni Police Corporal Jeselle Rivera/RPCADU3
