Eastern Samar – Patuloy ang pamamahagi ng mga tauhan ng 1st Eastern Samar Provincial Mobile Force Company ng mga kagamitan sa mga mag-aaral ng Sabang Elementary School sa Brgy. Sabang, Oras, Eastern Samar nitong Marso 8, 2023.
Ang aktibidad ay pinangunahan ni Police Staff Sergeant Annielyn D Chu, Assistant PCAD PNCO, sa ilalim ng pangangasiwa ni Police Lieutenant Colonel Jonathan Momo, Force Commander ng 1st Eastern Samar Provincial Mobile Force Company.
Nabigyan ang 50 na estudyante ng iba’t ibang kagamitan tulad ng coloring books, crayons, papel, lapis at eraser.
Bukod pa rito, sila rin ay nakatanggap ng meryenda mula sa mga kapulisan.
Nagpapasalamat naman si Hon. Marcelo D Placiente, Barangay Captain; G. Zaldy Porteza, School Principal; at Ginang Norma M. Piden, Adviser ng Day Care at Pre-Elementary Pupils sa pagpili sa kanilang Barangay bilang benepisyaryo ng nasabing programa.
Magpapatuloy din ang 1st Eastern Samar PMFC sa pagbibigay serbisyo at saya sa mga nangangailangan sa pamamagitan ng samut-saring Community Outreach Program.
