Bataan – Nakumpiska ang tinatayang Php7,480,000 halaga ng droga sa isinagawang Search Warrant Operation ng mga awtoridad sa Mariveles, Bataan nito lamang Miyerkules, ika-8 ng Marso 2023.
Kinilala ni Police Colonel Romell Velasco, Provincial Director ng Bataan Police Provincial, ang naarestong suspek na si alyas “Noel”, 38, residente ng Brgy. San Isidro, Mariveles, Bataan.
Nakumpiska sa suspek ang tinatayang 1.1 kilo ng hinihinalang shabu na nakalagay sa 14 na piraso ng plastic sachets, dalawang pirasong tea bags na tinatayang nagkakahalaga ng Php7,480,000; isang 45 calibre na baril; mga bala; tatlong magazine; glass pipe; weighing scale; at tickler.
Nahaharap sa kasong paglabag sa RA 9165 o Comprehensive Dangerous Drugs Act of 2002 at RA10591 o Comprehensive Firearms and Ammunitions Regulations Act ang suspek.
Patuloy ang Bataan PNP sa pagsasagawa ng mga operasyon laban sa pagpapaigting kontra ilegal na droga upang masugpo ang ipinagbabawal na gamot sa probinsya ng Bataan.
Source: Police Regional Office 3
Panulat ni Police Corporal Jeselle Rivera/RPCADU3
