Davao Oriental – Arestado ang tatlong drug personality sa isinagawang buy-bust operation ng PNP-PDEA sa isang drug den sa Brgy Dahican, Mati City, Davao Oriental nito lamang Marso 2, 2023.
Kinilala ni Police Lieutenant Colonel Ernesto Gregore, Chief of Police ng Mati City Police Station, ang mga suspek na si alyas “Jojo”, 36, tinaguriang Top 5 High Value Individual, alyas “Tawing”, 39, Top 6 HVI at isang alyas “Mac-Mac”, 36, na kabilang sa Street level Drug Personality at pawang mga residente ng Mati City, Davao Oriental.
Naaresto ang mga suspek ng mga tauhan ng Special Drug Operation Unit ng Mati CPS katuwang ang PDEA XI.
Nakuha mula sa mga suspek ang ilang pakete ng hinihinalang shabu na may bigat na humigit kumulang 5 gramo na may street market value na Php35,000 at mga parapernalya kasama ang marked money na ginamit sa operasyon.
Ang mga suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Naging matagumpay ang operasyon kontra sa ilegal na droga sa lugar dahil sa magandang pakikipagtulungan ng mga mamamayan sa pulisya at makamit ng Police Regional Office 11 ang layunin na gawing drug-free ang rehiyon onse.
Panulat ni Patrolman Alfred Vergara/RPCADU11
