Rizal – Arestado ang Top 7 Regional Most Wanted Person sa Rehiyon 4A sa kasong Rape, Lascivious Conduct at Child Abuse sa inihaing Warrant of Arrest ng mga awtoridad nito lamang Marso 2, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang naaresto na si alyas “Ed”, 28, tubong Dinalupihan, Bataan.
Ayon kay PCol Baccay, naaresto ang suspek dakong 10:20 ng umaga sa kahabaan ng Yakal St. Cristina Subd. Brgy. Concepcion Uno Marikina, City sa pinagsamang pwersa ng mga operatiba ng LFU PNP Anti-Kidnapping Group at Cardona Municipal Police Station sa bisa ng Warrant of Arrest sa kasong Rape, Lascivious Conduct at Child Abuse.
Sinisigurado ng Rizal PNP na labanan ang anumang kriminalidad na maaaring maging sanhi ng kapahamakan sa mga mamamayan ng probinsya at upang makamtan ang isang payapa at maayos na lipunan.
Source: Rizal Police Provincial Office
Panulat ni Police Staff Sergeant Donabel Dulin/RPCADU4A
