Sulu – Boluntaryong isinuko ng isang indibidwal ang kanyang loose firearm sa pulisya ng Indanan PNP sa Barangay Langpas, Indanan, Sulu nito lamang ika-2 ng Marso 2023.
Ayon kay Police Major Edwin Sapa, Chief of Police ng Indanan PNP, habang nagsasagawa ng Regular Barangay Visitation ang mga kapulisan ng Indanan Municipal Police Station, isang lalake ang boluntaryong nagsuko nang isang caliber .38 na may serial na number na 909776 at isang round ng bala sa tulong ni Hon. Amin Sawadjaan Ajini, Brgy Chairman, Brgy. Langpas, Indanan, Sulu.
Ito ay kaugnay sa pinaigting na kampanya kontra loose firearms sa pamamagitan ng Municipal Task Force to End Local Armed Confict.
Pansamantalang nasa pangangalaga ng Indanan MPS ang nasabing baril bago dalhin sa Sulu Provincial Forensic Unit para sa kaukulang disposisyon at Ballistics Examination.
Samantala, hinihikayat ng PNP ang publiko na makipag-ugnayan lamang sa pinakamalapit na himpilan ng pulisya kung sinuman ang may baril na walang kaukulang dokumento at nais itong isuko.
Panulat ni Patrolman Charlie Nasroden Corpuz
